„Екип“ го понижи Меси: Целосно изгубен и невидлив!

Лео Меси синоќа одигра уште една лоша партија во дресот на Пари Сент Жермен, па денес е силно критикуван за својот настап.

Меси на полувреме мораше да остане на клупа затоа што тренерот Маурицио Покетино не беше задоволен од неговито настап, но очигледно и поради повреда.

Денес еминентниот весник „Екип“ го понижи Меси и му даде оценка тројка.

„Меси во првото полувреме играше како лажна деветка, што му одговараше секогаш, но тој синоќа беше целосно изгубен. Додавањата беа погрешни, се губеше на теренот и беше невидлив. Вистина, имаше проблеми со мускулите пред мечот, но тоа не го оправдува што беше во сенка на сите останати. Дали некој навистина помисли дека Меси на четири меча во Лига 1 нема да постигне ниту гол, ниту асистенција“, пишува „Екип“.