До пред еден месец играше во осма лига, а вчера беше херој на Аталанта

Фудбалот често пати знае да испише големи приказни, а токму таква е приказната на Мустафа Сисе од редовите на Аталанта.

Ова 18-годишнот момче вчера го постигна единствениот гол во натпреварот против Болоња и за својот тим донесе важни три бода во борбата за излез во Европа наредната сезона.

Во Италија Сисе стигна на само 16 години како бегалец од Гвинеја. Фудбал на „Чизмата“ започна да игра во осмата италијанска лига во тим кој е составен исклучиво од лица кои бараат азил. Токму во овој тим го забележаа скаутите на тимот од Бергамо.

Договорот со Аталанта Сисе го потпиша пред само еден месец и тогаш се пресели во академијата на италијанскиот тим, а набрзо доби место и во првиот тим. Ремито со Џенова (0:0) го преседе на клупата, а вчера против Болоња доби шанса во 65. минута и ја искористи на вистински начин, погоди после само 17 минути на теренот.

Moustapha Cissé made his Serie A debut tonight, scoring in a 1-0 win for @Atalanta_BC.

He was signed by the youth academy last month, spotted playing for ASD Rinascita Refugees, a club of foreign players seeking asylum in Italy, who play in the 8th tier.

What a story. pic.twitter.com/l37sozz4v5

— FIFA.com (@FIFAcom) March 20, 2022