Добри вести за Барса: Меси спремен за „Ел Класико“

Барселона синоќа се спасуваше од пораз против Валенсија и одигра 2:2, а двата гола за Каталонците ги постигна Лионел Меси.

Сепак, резултатот беше во втор план бидејќи Меси при самиот крај се пожали на повреди и болки во бутниот мускул. Тоа сериозно ги загрижи фановите со оглед на фактот што за неколку дена се игра „Ел Класико“.

Шпанските медиуми пренесуваат дека веднаш му биле направени детални прегледи на Аргентинецот и не била констатирана посериозна повреда. Болките биле поради удар во десниот бутен мускул.

Меси ќе добие еден ден одмор, а од утре се враќа на тренинзите и ќе биде спремен за „Ел Класико“ кое на програмата е на 6-ти февруари на „Камп Ноу“.