Директорот на Интер: Во јануари ќе купуваме, а Лаутаро…

Интер оваа сезона игра одлично и вчера со победата над СПАЛ изби на првото место на табелата после 14 одиграни кола во Серија А.

Конте покажа дека му е достоен ривал на Јувентус, но јавно побара тимот да биде засилен во зимскиот преоден рок.

Денес генералниот директор на „нероаѕурите“, Бепе Марота потврди дека клубот ќе биде активен на трансфер пазарот и дека ќе направи се за да го задржи Лаутаро Мартинез.

„Ќе бидеме активни во зимскиот преоден рок, сакаме додатно да го засиолими тимот. За жал имаме повреди на некои важни фудбалери, па на одредени места тимот треба да се засили. Знаеме дека е тешко да се пазари во јануари, ќе видиме што ќе понуди пазарот“, изјави Марота.

Оваа сезона посебно во дресот на Интер блеска Лаутаро Мартинез, кој го привлече вниманието на многу европски гиганти.

„Лаутаро има долг договор со нас. Целта на Интер е да расте од година во година, а тоа значи да ги чува своите најдобри играчи. Нашата цел е да остане тука што е можно подолго, но пазарот е непредвидлив, а денес самите играчи носат одлуки за својата судбина