Дома Фудбал Италија Дерби на „Олимпико“: Лацио бара одмазда, Интер пат кон врвот!

Дерби на „Олимпико“: Лацио бара одмазда, Интер пат кон врвот!

Завесата на 10-то коло во Серија А вечерва ќе биде спуштена со големото дерби на „Олипмпико“ помеѓу Лацио и Интер.

Двата тима во моментов се наоѓаат во позиции кои водат во Лига на шампиони и исходот од ова дерби ќе биде многу значаен за понатамошниот тек на шампионатот. Лацио сака да се одмазди за поразот во мај со кој Интер му ја „украде“ картата за Лига на шампиони.

„Дизелашот“ од Милано не сака да застане


Вака се слави гол во 120-та минута!!! ↓↓↓


Интер лошо ја отвори сезоната и запиша два порази во првите четири кола, но машината на Спалети влезе во вистински ритам и победи на последните пет меча во Серија А. Притоа во овој меч влегува во добро расположение после големата победа во градското дерби, а хендикеп за „нероаѕурите“ секако претставува отсуството на Наинголан.

Интер моментално се наоѓа на третата позиција, но со победа на „Олимпико“ ќе се израмни со Наполи и ќе му врли ракавица на Јувентус во борбата за Скудето. Поради тоа ова може да се нарече и „меч на вистината“ за тимот на Спалети, кој оваа сезона не би требало да има проблем да заврши во Топ 4. Дали има сили за нешто повеќе? Вечерва е вистинско време да го дознаеме одговорот.

Лацио бара одмазда, но треба да внимава на грбот

Лацио се наоѓа во одлична форма и има само еден пораз на последните седум меча во Серија А каде запиша 6 победи. „Орлите“ од Рим сакаат да се одмаздат за поразот во последното коло со кој не се пласираа во Лигата на шампиони.

Лацио и оваа сезона има солидна дефанзивна линија која прими само 9 гола од почетокот на сезоната, додека нападот е „резервиран“ за Имобиле кој ги постигна повеќе од половина од головите. Сепак, римскиот клуб треба да внимава бидејќи пораз со пораз во овој меч сериозно ќе си ја загрози четвртата позиција на табелата, иако сезоната е многу долга.

Веројатни состави:

Лацио: Штракоса, Фелипе, Ачерби, Раду, Марушиќ, Пароло, Бадељ, Милинковиќ – Савиќ, Лулиќ, Кореа, Имобиле.

Интер: Хандановиќ, Врсаљко, Шкриниар, Де Вриј, Далбет, Брозовиќ, Гаглиардини, Весино, Пароло, Перишиќ, Икарди.

Целиот текст прочитајте го на специјализираниот портал kladenje.mk

Коментари
Прочитајте поврзани статии
Load More In Италија

Проверете

Македонија направи чекор назад на ФИФА ранг листата

Македонската фудбалска репрезентација на најновата ФИФА ранг листа која ќе биде објавена н…