Дебакл на Англија на последната проверка пред ЕП. Германија едвај победи

Репрезентацијата на Англија, првиот фаворит на ЕП според букмејкерите, сензационално загуби од Исланд со 1:0 на генералната проба пред 90.000 навивачи на Вембли.

Избраниците на Герет Саутгејт одиграа многу слаб натпревар, а победија Исланѓаните со голот на Џон Дагур Торштајнсон по одличната акција во 12. минута од натпреварот.

Исланѓаните одиграа одлично, додека Англија се мачеше, а на крајот од мечот Вембли со свирежи ги испрати на Европското првенство.

Англија на ЕП ќе игра во група со Словенија, Србија и Данска, а Исланд од кој загуби ја исфрли од Европското првенство во 2016 година.

Германците против Грција поминаа нешто подобро, но и тие се мачеа. Грците поведоа во 34. минута преку Георгиос Масурас, а Германија направи пресврт дури во вториот дел. Каи Хаверц израмни во 56. минута, а на Германците победата пред ЕП на минута пред крајот им ја донесе Паскал Грос.