Два важни потписи на „Џузепе Меаца“

Раководството на Интер постигна начелни договори за продолжување на соработката со Чалханоглу и Дармијан, пренесуваат италијанските медиуми.

Турскиот плејмејкер одлично се вклопи во тимот на „нероаѕурите“ и е еден од најважните играчи во формацијата на Инзаги.

Чалханоглу кога пристигна потпиша 3-годишен договор, па на лето ќе влезе во последната година од договорот. Интер сака долгорочно да го задржи во своите редови, па започна преговори за продолжување на соработката.

Постигнат е договор за продолжување на соработката и со 33-годишниот Дармијан, па се очекува наскоро да бидат официјалиираи двата потписи.