Двајца италијански репрезентативци под истрага за обложување

ИТАЛИЈАНСКИОТ фудбал го тресе скандал со обложување. Фудбалерот на Јувентус, Николо Фаџоли веќе им призна на истражителите дека се обложувал на фудбалски натпревари, а сега се појавија истите индиции поврзани со имиња многу попознати од 22-годишниот играч за врска на Старата дама.

Станува збор за Сандро Тонали (23) и Николо Заниоло (24), италијански репрезентативци и играчи на англиските премиерлигаши Њукасл и Астон Вила.

На спортистите во Италија им е забрането да се обложуваат на натпревари организирани од Италијанската фудбалска асоцијација, УЕФА и ФИФА и им е забрането директно или индиректно да обложуваат, а оние кои ќе го прекршат правилото се соочуваат со парична казна од не помала од 25.000 евра и забрана за играње до три години.

Газета дело Спорт пишува дека истражителите поседуваат аудио снимки кои ја докажуваат вмешаноста на двајцата играчи и дека Заниоло додека бил играч на Рома дури се обложувал на натпреварот од Купот на Италија на кој седел на клупата.