Грацијано Пеле се врати во Серија А!

Иако преодниот рок заврши пред неколку дена, Парма денес доведе одлично засилување.

Дресот на Парма ќе го носи искусниот италијански напаѓач, Грацијано Пеле. Пеле како слободен играч доаѓа во Парма откако му истече договорот со кинескиот Шандонг и потпиша договор до крајот на сезоната. Ќе се види дали ќе се покаже во овие месеци, па потоа би можело да се разговара и за некоја долгорочна соработка.

За Пеле ова е враќање во Парма каде што играше година ипол од летото 2011 до јануари 2012 година. Тогаш дојде како талентиран голгетер од АЗ Алкмар за 1.5 милион евра, но не остави добар впечаток за тоа што на 14 натпревари постигна само два гола.

Ќе видиме како ќе помине овој негов втор мандат во кој доаѓа како далеку поискусен играч.