Готово: Јувентус ја „украде“ најголемата желба на Интер

Јувентус ја доби битката со Интер за најдобриот дефанзивец во Серија А за минатата сезона, Геилсон Бремер.

Италијанските медиуми тврдат дека наскоро нов член на „старата дама“ ќе стане Бремер, кој доаѓа како замена за Де Лихт.

Бразилецот беше трансфер цел број еден на Интер за засилување на дефанзивата, „нероаѕурите“ преговараа долго време, но Јувентус во последен момент испрати подобра понуда.

„Старата дама“ испратила понуда од 40 милиони евра плус 7 милиони во форма на бонуси, а на Бремер му нуди плата од 4,5 милиони евра по сезона.

„Скај Италија“ тврди дека Бремер утре треба да го комплетира трансферот и да стави потпис на договорот со Јувентус.

Juventus have reached an agreement with Torino for Gleison Bremer! Deal in place for €40m guaranteed fee plus add-ons, accepted by Torino after bidding war with Inter. 🚨⚪️⚫️ #transfers @SkySport

Juventus are now discussing personal terms with Bremer and his agents. pic.twitter.com/PTOaK1JdCe

— Fabrizio Romano (@FabrizioRomano) July 19, 2022