„Сапуницата“ околу иднината на плејмејкерот на ПСЖ, Адриен Рабио се ближи кон крајот бидејќи француските медиуми тврдат дека е познат неговиот нов клуб.
Според наводите на француските медиуми 23-годишниот играч од лето ќе стане нов играч на Реал Мадрид. „Канал+“ пренесува дека двете страни постигнале договор и наскоро се очекува официјализација на истиот.
Од неколку парчиња пелени до успешен бизнис - Приказната за Балон Твистер ↓↓↓
Рабио не е во добри односи со тренерот на француската екипа, Томас Тухел и веќе неколку месеци е надвор од тимот откако одби да го продолжи договорот.
Иако не игра за ПСЖ веќе неколку месеци, интересот за неговите услуги е огромен, а на крајот во конкуренција на Арсенал, Барселона, Манчестер Јунајтед и Реал, младиот Французин ги избра „кралевите“.
Финансиските детали од договорот се уште не се познати, но јасно е дека Рабио ќе се пресели на „Сантиаго Бернабеу“ како слободен агент бидејќи неговиот договор со ПСЖ истекува на крајот на сезоната.
Рабио беше на чекор до трансфер во Барселона, но зделката пропадна во последен момент бидејќи неговата мајка и агент, Вероник побара висока плата и преголема провизија, која Каталонците не сакаа да ја платат.
Последниот натпревар во дресот на францускиот шампион Рабио го одигра во декември, а оваа сезона настапи на вкупно 14 натпревари.
Потврда за трансферот на Рабио од ПСЖ во Реал Мадрид би требало да се случи во наредните денови.
Real Madrid have reached a verbal agreement with Adrien Rabiot that will see the French midfielder join the La Liga side when his PSG contract expires in the summer. (Source: Canal+) pic.twitter.com/tV2YsACnCF
— Transfer News Live (@DeadlineDayLive) April 4, 2019
Учество во игри на среќа е дозволено за лица со 18+ години. Играј одговорно!