Гендузи исфрлен од тимот, се сели во Серија А

Англиските медиуми пишуваат дека челниците на Арсенал решиле летово да го продадат младиот играч за врска Матео Гендузи.

21-годишниот играч од средниот ред пристигна на „Емирати“ пред две години од Лориент за осум милиони евра, и се покажа како добро засилување. Меѓутоа, најверојатно ова лето ќе биде продаден.

Причина за тоа е конфликтот со Микел Артета кој го отстрани од тимот по проблемот што го направи со Брајтон. Тој во текот на мечот ги навредувал фудбалерите на Брајтон велејќи им дека се обично срање и дека можат да сонуваат за парите кои тој и неговите соиграчи од Арсенал ги заработуваат.

Ваквото однесување не е прифатливо во клуб како Арсенал, па Гендузи веднаш беше остранет од тимот и му било порачано да си бара нов клуб.

Најсилен интерес за Французинот покажуваат италијанските гиганти Интер и Јувентус, кои веќе ја започнаа трката за неговиот потпис.