Гвардиола шокираше со изјавата после победата на Манчестер Сити

Менаџерот на Манчестер Сити, Пеп Гвардиола изјави дека би било „лудо“ да се мисли дека неговиот тим може да ја одбрани титулата во Премиер лигата.

„Граѓаните“ пред синоќешниот меч заостануваа цели 11 бода од лидерот Ливерпул, па медиумите на Островот веќе го отпишаа Манчестер Сити.

Поради тоа Гвардиола со иронична изјава ги „бицна“ сите оние кои тврдат дека неговиот тим нема никакви шанси за освојување на титулата.

„Трката за титулата е готова. Никој повеќе не ни дава шанса, како што велат, испаднавме од трката и немаме шанси. Мислиме само на себе и на наредниот меч“, изјави Гвардиола.

„Нашиот тим е стабилен, но со оглед на разликата со Ливерпул, лудо е помислуваме на титулата. Мораме да размислуваме на останатите натпреварувања од кои играме. Мислиме само на себе и на наредните натпревари“, додаде Пеп.