Гвардиола: Не сакам да имаме среќа, сакам да заслужиме финале

Менаџерот на Манчестер Сити, Пеп Гвардиола не крие дека утрешниот меч со Реал Мадрид во ЛШ е еден од најважните во неговата кариера.

Првиот меч заврши 1:1 во Мадрид, а Гвардиола тврди дека „граѓаните“ утре не треба да прават ништо исклучително и не сака да имаат среќа.

„Ова е еден од најважните натпревари и нема потреба да негирам. Тоа е поради турнирот, поради противникот, поради многу нешта. Но, јас им кажав на играчите дека треба да бидат среќни што се тука и дека треба да уживаат во моментов. Се зависи од нас, не треба да правиме ништо исклучително. Не сакам утре да имаме среќа, сакам тимот да заслужи пласман во финале“, изјави Гвардиола.