Гвардиола најплатен тренер на Островот во сите спортови!

Менаџерот на Манчестер Сити, Пеп Гвардиола годишно заработува по 20 милиони фунти, пренесуваат англиските медиуми.

48-годишниот Каталонец е најплатениот тренер на Островот кога се во прашање сите спортови.

Втор на листата на највисоко платени тренери е Маурицио Покетино со годишна плата од 8,5 милиони фунти. Трет е Оле Гунер Солскјер од Манчестер Јунајтед кој годишно заработува по 7,5 милиони фунти.

Во Топ 5 се уште Јирген Клоп од Ливерпул и извршниот директор на Мерцедес во Формула 1, Тото Волф. Двајцата заработуваат по 7 милиони фунти годишно.