Гвардиола му одговори на Мурињо: Игравме по исти правила!

Од вчера во јавноста актуелна е одлуката Манчестер Сити да не биде исфрлен од Лигата на шампионите. Иако прво „граѓаните“ добија забрана, сепак судот за спортска арбитража (ЦАС) ја поништи таа одлука.

По таквата одлука на адреса на Манчестер Сити пристигнаа разни критики, пред се истакнаа првиот човек на Ла Лига Хавиер Тебас и Жозе Мурињо. Мурињо порача дека ако Сити не е виновен зошто тогаш плаќа 10 милиони евра и ја нарече одлуката на ЦАС срамна.

„Вчерашниот ден беше добар за фудбалот бидејќи игравме по правилата на финансискиот фер плеј. Луѓето зборуваа дека сме правеле некакви малверзации, но сега се знае дека не е така. Потврдени беа нашите претпоставки на невиност“, изјави Гвардиола.