Гвардиола е нов рекордер во Премиер лигата

Пеп Гвардиола испиша нови страници на англиската Премиер лигата во победата на Манчестер Сити од 2:0 над Шефилд Јунајтед.

Граѓаните славеа со голови на Агуеро и Де Брујне во последниот натпревар од 20 коло, што беше доволно за Гвардиола да стигне до 100-та победа во Премиер лигата.

Освен што стигна до 100. победа, шпанскиот стручњак до тоа достигнување стигна најбрзо од сите останати менаџери со сто триумфи во најсилната лига на светот.

Гвардиола стигна до својата 100. победа на 134 натпревари, надминувајќи го Жозе Мурињо, на кого му беа потребни 142 натпревари за истото достигнување.

„Ова е голем комплимент за клубот и играчите да стигнат до 100. победа. Горди сме на се’ што направивме во овие сезони.“ – изјави Пеп после натпреварот.

1️⃣0️⃣0️⃣ @premierleague wins for Pep!

The quickest manager to reach the landmark! ?

? #MCISHU #ManCity pic.twitter.com/OAqZe3WUAf

— Manchester City (@ManCity) December 29, 2019