Во Кристал Палас зачудени што немале доволно понуди за фудбалерот кој со Англија беше на ЕП

Ебречи Езе остана во редовите на Кристал Палас по летниот преоден рок, а за првиот човек на премиерлигашот Стив Периш е чудно што ниту еден голем клуб не тргна посериозно по неговиот потпис.

И покрај тоа што се мачеше со повредите Езе имаше солидна сезона во која запиша 11 гола и подели шест асистенции на 31 натпревар.

Со таквите настапи доби и повик за Европското првенство.

„Навистина бев загрижен дека летово ќе остане без Олисе и Езе. Но за Езе немаше интерес како што очекував и тоа навистина ме чуди. Станува збор за неверојатен играч и фантастична личност, тој би бил подарок за било кој клуб“, изјави Периш.

Ќе потсетиме Олисе направи трансфер во редовите на Баерн Минхен.