Во денот кога Сантош доби отказ Мурињо допатува во Португалија

Од денес Португалците и официјално се во потрага по нов селектор затоа што Фернандо Сантош доби отказ по настапот на Светското првенство.

По отказот на Сантош посебно внимание привлече Жозе Мурињо. Мурињо во претходниот период се поврзуваше со селекторската позиција на Португалија, а токму денес кога Сантош доби отказ тој пристигна во Португалија.

Мурињо пристигна во Португалија со својата Рома на кратки подготовки.

Португалскиот весник „А Бола“ пренесува дека Мурињо е во потесниот круг кандидати за нов селектор на Португалија.

Споменатиот медиуми додава и дека ако се постигне договор Мурињо за свој помошник би го земал Руи Жорге кој би ја водел селекцијата до јуни надгледуван од „Специјалниот“, а по завршувањето на сезоната Мурињо би ја започнал својата епизода како селектор.