Виљареал ја победи Аталанта во Бергамо за осминафинале во ЛШ 🎥

Вечерва се одигра одложениот натпревар во Лигата на шампионите помеѓу Аталанта и Виљареал.

На домаќините им беше потребна победа за пласман во следната фаза, а на крајот шпанскиот тим славеше победа со 2:3. Поведоа гостите уште во третата минута со голот на Данџуме после една грешка на одбраната на домашните тим. Капуе во 42. минута носи предност за Виљареал од 0:2.

Само што започна второто полувреме. Данџуме го постигна својот втор гол на денешниот натпревар и тука веќе стануваше јасно кој ќе оди во нокаут фазата од ЛШ. Аталанта доцна се разбуди. Малиновски во 71. минута намали на 1:3, а Запата 10 минути подоцна стрлеа за 2:3.

Повеќе од тоа италијанскиот претставник не можеше па својот пат ќе го продолжи во 1/16 финалето од Лигата на Европа. Виљареал му се придружува на Манчестер Јунајтед во 1/8 финалето од ЛШ.

Ждребот за осминафиналето е закажан за 13. декември (понеделник) од 12:00 часот во Нион.