Видео: Неискористена шанса и недосуден пенал, Македонија и Австрија егал на полувреме

Македонската репрезентација со резултат 1:1 го заврши првото полувреме против Австрија во Скопје.

Избраниците на Ангеловски играат добро и можат да жалат што не заминаа на одмор со предност.

Во 18-та минута Хинтерегер си постигна автогол за славје на Арената „Тоше Проески“. Само неколку минути подоцна Македонија имаше голема шанса да го зголеми водството, но не успеа да реализира.

Во 39-та минута стигна казната кога Лазаро го совлада Димитриевски за 1:1. На самиот крај имаше елементи судијата да покаже на белата точка после стартот над Пандев, но сечини дека Македонија беше оштетена.