Видео: Мајами ја прекина серијата на Бостон

Кошаркарите на Бостон беа на пат да направат уште еден голем пресврт, но нивната победничка серија заврши во Мајами.

Селтикс загубија од Мајами со 98:104, со што беше прекината серијата од 16 последователни победи. Мајми во послдната четвртина имаше +16, но гостите со одлична серија се доближија на само еден поен негатива 91-90 на нешто над 3 минути до крајот.

Бекот на „жешките“ постигна тројка со многу среќа, бидејќи топката се удри во обрачот, во горниот дел на семафорот и повторно во обрачот, пред да влезе, а потоа нанижа уште 3 поени од аголот за да направи 97:90, а тоа значеше и прекинување на серијата на Бостон.

Во редовите на домаќините, Драгиќ беше прв играч со 27 поени, а Вејтерс постигна 26. Кајри Ирвин со 23 поени беше најдобар поединец кај Бостон.

Резултати:
Шарлот – Вашингтон 129:124
Кливленд – Бруклин 119:109
Филаделфија – Портланд 101:81
Атланта – ЛА Клиперс 103:116
Мајами – Бостон 104:98
Њујорк – Торонто 108:100
Хјустон – Денвер 125:95
Мемфис – Далас 94:95
Минесота – Орландо 124:118
Њу Орлеанс – Сан Антонио 107:90
Оклахома – Голден стејт 108:91
Феникс – Милвоки 107:113
Јута – Чикаго 110:80
Сакраменто – ЛА Лејкерс 113:102