Видео: Кливленд рутински, Бостон ги скроти „биковите“

Синоќа се одиграа 7 натпревари во НБА лигата, Кливленд стигна до рутинска победа, додека Бостон лесно се справи со „биковите“.

Кливленд Кавалирс на домашен терен го совладаа тимот на Детроит Пистонс со резултат 112:90. Леброн Џејмс беше лидер на Кавалирс во победата, забележувајќи бројки од 31 поен, 7 скока и 7 асистенции. Сосем очекувано, Блејк Грифин беше најдобар поединец на Пистонс, со 25 поени и 8 скока.

Екипата на Бостон Селтикс очекувано се радуваше на теренот на Чикаго Булс (89-105) предводен од Џејлен Браун и неговиот учинок од 21 поен.

Останати резултати:
Индијана – Милвоки 92:89
Мајами – Феникс 125:103
Сан Антонио – Мемфис 100:98
Јута Џез – Орландо 94:80
ЛА Лејкерс – Портланд 103:108