Видео: „До вчера“ беа дел од Премиер лигата, а од денес се третолигаши!

Со поразот од Бартон на свој терен „црните мачки“ ги изгубија шансите за опстанок во Чемпиошип.

Години наназад Сандерленд успеваше да се извлече и да го сочува статусот на Премиерлигаш, а кога минатата сезона испадна во Чемпионшип малку кој можеше да претпостави дека после само една сезозна ќе испаднат и во третото по ранг натпреварување во Англија.

„Црните мачки“ денес на својот стадион ја испуштија и последната „сламка за спас“.

На гости им дојде директниот конкурент во борбата за опстанок Бартон кој ги однесе трите бода.

Сандерленд поведе во 34 минута со голот на Педи Мекнер имаше предност се до 86 минута кога поранешниот напаѓач на „црните мачки“ Дарен Бент изедначи на 1:1. За потоа во судиското продолжение Бојс да погоди за 1:2 и така го испрати клубот кој „до вчера“ беше премиерлигаш во третата лига.