Вејд: Со нетрпение чекам да заиграм со мојот брат Леброн

Искусниот бек беше и официјално претставен како ново засилување на Кливленд.

Како и што се највуваше, Двејн Вејд потпиша едногодишен договор вреден 2.3 милиони евра со актуелниот шампион од источната конференција, Кливленд.

Вејд во Охајо пристигнува од Чикаго Булс, клуб со кој спогодбено се договори за раскинување на соработката.

Во текот на неговата 14 годишна кариера во НБА лигата Вјед настапуваше во пет НБА финалиња и освои три шампионски прстени, сите три со Мајами Хит.

„Се надевам дека тука ќе имам можност да го освојам четвртиот шампионски прстен, постигнав договор со Чикаго Булс и возбуден сум што ќе настапувал за Кливленд оваа сезона. Овој тим верува во мене. Со нетрпение чекам повторно да се сретнам и да заиграм со мојот брат Леброн. Ние двајца заедно веќе освоивме два прстени, повторно ќе бидеме одличен тандем“, напиша Вејд на својот Твтиер профил.