Венгер пронајде замена за Санчез, но дали малку претера?

Арсен Венгер полека се соочува со реалноста дека во овој трансфер период ќе остане без Алексис Санчез, па се фрли во потрага по крилен напаѓач. Прв на листата го гледа играчот на Реал Мадрид, Герет Бејл.

Се повеќе и често се споменува срушувањето на триото BBC од Реал, а најголем фаворит да го напушти Реал е токму одличниот Велшанец. Најмногу поради повредите и од таа страна Арсенал би можел да се надева дека може да дојде до тоа засилување.

Сепак, постои најмалку една пречка во тоа. Бејл фудбалското име го стекна во Тотенхем, најголемиот ривал на Арсенал и сигурно дека нема така лесно да им забие нож во грбот на навивачите на Тотенхем. Поради тоа, далеку поголем фаворит за неговото доведување е Манчестер Јунајтед.

Секако, основниот предуслов дека Бејл ќе си замине од Мадрид е на „Сантијаго Бернабе“ да пристигне Килијан Мбапе од Монако во рекорден трансфер. Но, и тоа не значи дека Бејл ќе си замине, тоа може да биде и Карим Бензема, што исто така сериозно се шпекулира, а е и голема желба на Венгер изминативе трансфер периоди.