Васоски: Голема благодарност до клубот, Горан Пандев и фудбалерите, Струмица вечно ќе биде во моето срце

Aлександар Васоски и дефинитивно ќе го води Сараево.

Откако Академија Пандев му посака многу успех, преку социјалните мрежи се огласи и Васоски.

„Огромна благодарност до фудбалерите, моите соработници и управата на Академија Пандев за прекрасната соработка во изминатата година. Огромно благодарам до нашата фудбалска икона Горан Пандев кој ни овозможи одлични услови за работа. На Академија Пандев и посакувам да ги остварите своите цели за оваа сезона. Клубот и градот Струмица вечно ќе бидат во моето срце!!! Благодарам!“, напиша Васоски.