„Бомба“: Гвардиола во Серија А, но не во Јувентус

Шпанскиот медиум „Дон Балон“ лансираше вистинска „бомба“ и пренесува дека Пеп Гвардиола од следната сезона би можел да се пресели во Серија А.

„Дон Балон“ тврди дека каталонскиот стратег, кој во Италија настапуваше за Бреша и Рома, е блиску до преземање на клупата на Милан.

Милан игра фантастично оваа сезона под водство на Стефано Пиоли и се бори за Скудетото, но „росонерите“ не сакаат да ја испуштат можноста да го ангажираат еден од најдобрите тренери во светот.

Гвардиола неодамна го продолжи договорот со Сити, но наводно е заситен од работата на „Етихад“ и сака ново искуство, а никогаш не криел дека еден ден сака да работи во Италија.

Гвардиола беше голема желба на Јувентус изминатите две лета, но остана во Манчестер Сити, па останува да видиме дали ќе се пресели на „Сан Сиро“, иако тоа звучи неверојатно во моментов.