„Билд“: Халанд од Реал Бара 30 милиони евра по сезона

Напаѓачот на Борусија Дортмунд Ерлинг Халанд најмногу се поврзува со трансфер во Реал Мадрид на лето следната година, пренесува „Билд“.

Германскиот медиум тврди дека оглема желба на норвешкиот голгетер е преселба во Мадрид. Тоа за него е првата опција, па потоа слеудваат останатите. Под „останатите“ се мисли на Премиер лигата која би излегла во прв план ако Реал не може да ги исполни неговите барања.

Според информациите барањата на Халанд се 30 милиони евра по сезона, тоа за Реал не е проблем во овој момент. Сепак, за идното лето многу се најавува и доаѓање на Мбапе во Мадрид. Платата на Мбапе веројатно би били отприлика иста како онаа на Халанд, можеби и повисока, па тоа може да биде проблем.

Борусија не сака лесно да се откаже од Халанд и сака да го продолжи договорот. Борусија сака да му понуди 16 милиони евра по сезона и така да го задржи барем уште една година на „Сигнал Идуна Парк“.