Бејл никако да се разбуди од „кошмарот“

Реал Мадрид синоќа со 2:0 ја победи Валенсија на „Сантиаго Бернабеу“, но тоа беше уште една лоша вечер за Герет Бејл.

Кога замина Кристиано Роналдо се очекуваше токму Бејл да стане лидер на Реал Мадрид, но Велшанецот буквално се „изгуби“.

Синоќа против Валенсија играта ја напушти во 63-та минута, стадионот го исвирка, а ова беше веќе 10-ти меч во Примера на кој нема постигнато гол.

Моментално е 794 минути без гол и тоа е најдолгата низа откако пристигна во Реал Мадрид.

На Бејл синоќа навивачите му свиреа и во неколку наврати кога ја примаше топката против Валенсија, па дефинитивно ова за него е „кошмарен“ период.