Бејл како со сила да сака да избркаат од Реал

За потегот на фудбалерот на Реал Мадрид, Герет Бејл повторно се пишува во медиумите. Тој не играше во победата на неговиот тим против Севилја од 2-1, но ги налути навивачите затоа што пред крајот на мечот го напушти стадионот.

„АС“ пишува дека Бејл, кој не бил дел од мечот, го напуштил „Сантијаго Бернабеу“ во 82. минута, но тоа не е првпат репрезентативецот на Велс пред време да бега од стадионот.

Ова му е четврти пат во сезоната да замине пред крајот, а секако со тоа покажува непочит кон сопствениот тим.

Да споменеме дека според клупските правила, фудбалер има право да го напушти стадионот по 80. минута, но неговите заминувања не се прифатени најдобро кај навивачите.