Беше пред трансфер во Ливерпул, сега пристигнува во Арсенал

Францускиот играч за врска Набил Фекир конечно би можел да се пресели во Премиер лигата, откако пред две години му пропадна неговиот трансфер во Ливерпул.

Бетис во јули 2019-та година плати 20 милиони евра на Лион за играч кој една година претходно беше на чекор до Ливерпул за 70 милиони евра.

Сепак, Фекир не успеа да ги помине лекарските прегледи на „Енфилд“, но откако стана светски шампион со Франција, се пресели во Шпанија.

Сега за неговиот потпис е заинтересиран Арсенал, кој бара замена за Себаљос.

Микел Артета во него гледа идеално засилување за средниот ред, па „топџиите“ веќе почнале да работат на трансферот.