Беше еден од најголемите таленти, сега направи „тажен“ трансфер

Поранешната италијанска фудбалска ѕвезда, Џузепе Роси буквално го допре доното кога е неговата кариера во прашање.

31-годишниот напаѓач пред десетина години важеше за еден од најголемите таленти во светот. Меѓутоа, честите повреди и 5-те тешки операции на коленото ја уништија неговата кариера, па денес е на чекор да направи еден тажен трансфер.

Имено, италијанските медиуми пренесуваат дека Роси наскоро би можел да стане член на Јуве Стабија, тим кој игра во третата италијанска лига. Наводно клубот му понудил на напаѓачот договор на шест месеци со можност на уште една година доколку тимот се пласира во повисок ранг.

Потсетуваме, Роси порано беше член на Манчестер Јунајтед, Њукасл Виљареал, Фиоентина, а последниот клуб во неговата кариера беше Џенова. Притоа, за италијанската репрезентација одигра 30 натпревари.