„Бернабеу“ ќе го има најсовремениот систем: Без проблем ќе може да се игра тенис, НБА и НФЛ! 🎥

Реал Мадрид објави видео и прикажа како ќе функционира новиот „Сантијаго Бернабеу“.

Целосно „Бернабеу“ не е довршен, проектот би требало да заврши за една година, а клубот на новиот дизајн потроши 700 милиони евра и од него очекува големи приходи во иднина.

Една од работите кои импресионира е системот кој ја претвора тревата во терени за тенис и кошарка. Во Мадрид веруваат дека во иднина можат да бидат домаќини на НБА и НФЛ натпревари, па така би обезбедиле и дополнителни приходи.

На местото на вистинската трева со најсовремени „послужавници“ доаѓа вештачка трева на која може да се организираат други спортови, саеми, концерти…