Берлускони и Галијани немаат трпение: Монца може да добие нов тренер

Адријано Галијани и Силвио Берлускони не се задоволни од работата на тренерот Џовани Стропа и натпреварот против Удинезе во следното коло може да биде негов последен на клупата на овој тим.

Монца во првите две кола има два порази од Торино дома 1:2 и од Наполи со убедливи 4:0.

Критики за лошите резултати добива Стропа, па „Газета дело Спорт“ најавува дека по мечот со Удинезе би можел да си замине.

Монца со големи амбиции влезе во Серија А и токму затоа беа доведени дури 13 засилувања, но стартот на првенството не е како што очекуваа.