Барселона и Јунајтед се борат за ѕвездата на Евертон

Напаѓачот на Евертон и бразилски репрезентативец, Ричарлисон потврди дека во јануари имал понуди од Манчестер Јунајтед и Барселона, но „карамелите“ не сакале да се разделат со него.

Во јануари англиските медиуми тврдеа дека „црвените ѓаволи“ се спремни да платат 70 милиони евра за потписот на Бразилецот, но Карло Анчелоти го блокирал трансферот.

Од „Камп Ноу“ дури предложиле и повисока понуда, од 85 милиони евра бидејќи сакале да го донесат Ричарлисон како замена за Луис Суарез, но и таа понуда била одбиена.

Двата европски гиганти се уште се во контакт со неговиот агент и ќе се обидат да го донесат и ова лето, но Бразилецот тврди дека останува во Евертон.

„Анчелоти ми кажа дека смета на мене и да не брзам со трансфер. Немам ништо проти да останам тука уште една сезона бидејќи под негово водство имам голем прогрес во играта“, изјави Ричарлисон.