Барселона го договори првото летно засилување

Каталонските медиуми пренесуваат дека Барселона го договорила првото летно засилување.

Одбраната на тимот е најслаба алка во моментов и поради тоа Лапорта не чекаше долго, па веќе договори засилување од Челзи, а станува збор за Андреас Кристенсен.

Неговиот договор истекува на лето и во неколку наврати ја одби понудата на Челзи, па ќе замине како слободен агент.

25-годишниот Данец кариерата ќе ја продолжи на „Камп Ноу“ и веќе постигнал договор за 5-годишна соработка со Барселона.

Каталонски „Спорт“, објави дека Кристенсен успешно ги минал лекарските прегледи, ги прифатил условите што му ги понудил Лапорта и дека наскоро ќе го стави својот потпис на договорот.