Баерн ќе го врати Перишиќ во Интер

Иван Перишиќ следната сезона нема да го носи дресот на Баерн, објави „Билд“.

Германците тврдат дека во Баерн не се задоволни од хрватскиот фудбалер и дека поради нема да ја активираат клазулата за откуп на неговиот договор.

„Перишиќ вториот дел од сезоната ќе го искористи да се прикаже во најдобро светло за да си обезбеди трансфер на лето, бидејќи Баерн ќе го врати, а Интер нема намера да го задржи“, пишува „Билд“.

Баерн за едногодишна позајмица на 30 годишниот Перишиќ плати пет милиони евра и има опција да го откупи неговиот договор на крајот од сезоната за 20 милиони евра. На почетокот на сезоната се шпекулираше дека ќе остане во Баерн, меѓутоа тоа изгледа нема да се случи.

Оваа сезона на 19 натпревари Перишиќ постигна четири гола и запиша шест асистенции.