Баерн ги потврди лошите вести: Еден од најважните паузира 8 до 10 месеци!

Баерн имаше лош натпревар после враќањето од репрезентативната пауза.

Баварците испуштија два бода на гостувањето кај Аугусбург (2:2), а во 12-тата минута останаа без еден од најважните играчи во одбраната, Суле.

Стоперот на Баерн незгодно доскокна и веднаш се фати за левото колено со болна гримаса на лицето. Остана да лежи на подот и на негово место во игра влезе Алаба.

Клубот денес официјално потврди дека станува збор за повреда од сериозен карактер како и што се претпоставуваше. Суле мора на операција и ќе биде надвор од терените помеѓу осум и десет месеци.

Инаку, Суле во кариерата имаше една потешка повреда, во сезоната 2014/2015 кога го носеше дресот на Хофенхајм. Тогаш беше надвор од терените 203 дена и пропушти 22 натпревари на германскиот прволигаш.

? Sadly, Niklas #Süle did indeed suffer an ACL tear in his left knee yesterday and will undergo surgery later today.

Get well soon, Niklas ? pic.twitter.com/1y8S0nM8Jg

— FC Bayern English (@FCBayernEN) October 20, 2019