Атлетико ги собра наградите во Примера, една заврши кај Меси

Шпанскиот весник „Марка“ традиционално секоја година ги доделува наградите за најдобрите во Примера.

Овој пат очекувано најмногу награди завршија кај актуелниот шампион Атлетико Мадрид, а една му беше доделена и на Меси.

Јан Облак повторно беше избран за најдобар голман во Примера, а наградата за најдобар фудбалер на сезоната заврши во рацете на Луис Суарез. Диего Симеоне по трет пат во кариерата е најдобар тренер во Ла Лига.

Лионел Меси ја доби наградата за најдобар стрелец во лигата, а ова признание го добива дури 8 пати во кариерата.

Меси минатата сезона постигна 30 гола на 35 меча за Барселона.