Артета презадоволен од доаѓањето на Томас Парти

Менаџерот на Арсенал, Микел Артета не го криеше задоволеството од новото засилување Томас Парти.

Играчот за врска пристигна во последниот ден од преодниот рок, а беше голема желба на тренерот Артета бидејќи е поливалентен играч и може да игра на повеќе позиции во тимот.

„Ние бевме заинтересирани за него неколку месеци и го следевме неговиот напредок. Мислам дека тој ги има сите потребни квалитети за да стане важен играч за нас – сила, техника, карактер. Можеме да го користиме во различни шеми и секогаш да биде корисен. Имам неколку идеи што сакам да ги развијам и Томас ќе ми даде повеќе можности во овој поглед. Со него ќе можеме да уживаме во подобар баланс во преминот од одбрана во напад“, изјави Артета.

Арсенал за неговиот потпис плати 50 милиони евра, колку што беше неговата откупна клаузула во Атлетико Мадрид.