Арсенал поведе, Вилсон и Ајб погодуваа за пресврт, Бурнемоут испиша историја!

Во денешниот натпревар од 23 коло во Премиер лигата, екипата на Арсенал после двете нерешени средби против ВБА и Челзи, запиша изненадувачки пораз во натпреварот против Бурнемоут.

Бурнемоут кој се наоѓа во долниот дел на табелата го совлада Арсенал со 2:1. Сите три погодоци на средбата беа постигнати во вториот дел.

Арсенал прв дојде до предност и тоа преку Белерин во 52 минута од натпреварот, Шпанецот шутираше, Беговиќ ја удри топката но не беше доволно да спречи погодок. Изедначување донесе Калум Вилсон во 70 минута, а само четири минути подоцна Џордан Ајб погоди за целосен пресврт.

Овој погодок на Ајб на крајот се покажа и одлучувачки, па домаќинот ги однесе трите бода од оваа средба. Треба да се истакне дека ова е прва победа во историјата на Бурнемоут против Арсенал.