Арсенал го направил првиот чекори: За 50 милиони евра од Серија А носи замена за Рамзи?

Фудбалерите на Каљари играат променливо оваа сезона и во овој момент се наоѓаат на 13-тата позиција во Серија А, но поради очајните настапи на Киево и Фросиноне не се наоѓаат во опасната зона.

Она што е сигурно, тимот од Сардинија има млада ѕвезда која наскоро добро ќе ја наполни касата на клубот.

Наводно, Арсенал и Ливерпул се сериозно заинтересирани за фудбалерот на овој тим, Никола Барела, а медиумите тврдат дека на адреса на Каљари од Лондон пристигнала понуда во износ од 50 милиони евра. Претходните најави беа дека Каљари е спремен да преговара доколку пристигне таква сума.

Ливерпул и претходно се поврзуваше со Барела, се пишуваше и дека тој е голема желба на Клоп, но немаше ништо конкретно.

Од друга страна пак ако се точни информациите дека Арсенал испратил понуда, Барела во Лондон би можел да пристигне како замена за Арон Рамзи кој многу веројатно ќе го напушти клубот на крајот од сезоната.

https://www.youtube.com/watch?v=QmZ7gcSO4A8&t=1s