Анчелоти ги насмеа новинарите на првата прес-конференција: Изгледа во Реал се менуваат само тренерите 🎥

Карло Анчелоти вчера потпиша договор со Реал Мадрид и ја одржа првата прес-конференција како повратник во клубот.

Во неговото прво обраќање Анчелоти беше прилично расположен и максимално професионален кон новинарите кои му поставуваа прашања. Анчелоти даде искрени одговори на тоа кои играчи можат да добијат шанса кај него, но не пропушти шанса и да се пошегува со еден новинар.

Еду Агире од телевизијата „Ел Чирингуито“ на пресот на Анчелоти се вклучи во живо, по што следуваше интересен заклучок на Дон Карло.

„Во овие пет години туку ништо не се променило. Повторно истите лица, истите новинари, во Реал Мадрид изгледа се менуваат само тренерите“, па продолжи да го одолговлекува прашањето на Агире.

„Каде си? Дали си во својот автомобил? Навистина професионално“, се пошегува Анчелоти.

😍¡¡QUÉ MOMENTAZO!!😍

👀@MrAncelotti se acuerda de @EduAguirre7:
"Tienes la misma cara… ¿Vas en el coche? ¡Qué profesional…!"😅

¡Estamos en DIRECTO en #SportPlus! ➡️ https://t.co/uy59B6tvAR pic.twitter.com/gy7qysEfED

— El Chiringuito TV (@elchiringuitotv) June 2, 2021