Алексис Санчез го одбра новиот клуб: Си заминува во јануари, Арсенал ќе добие „само“ 20 милиони фунти

Арсен Венгер ќе има проблеми во јануари. Дали да ги задржи Месут Озил и Алексис Санчез во клубот до летото, или да ги продаде на зима и да заработи пари.

Изгледа дека Санчез веќе знае што сака. „Mirror“ пишува дека Чилеанецот не е заинтересиран за трансфер во Манчестер Јунајтед и ПСЖ, туку сака да се пресели во Манчестер Сити, што ги поставува „граѓаните“ во одлична позиција во јануари.

Како му истекува договорот на поранешниот напаѓач на Удинезе, а во неговата глава има само еден клуб, Арсенал можеби ќе биде принуден да го продаде за „само“ 20 милиони фунти. Пеп Гвардиола е заинтересиран за јануарскиот трансфер период само доколку би можел да го доведе за цифрата која беше наведена, инаку е подготвен да чека до крајот на сезоната.

Работите се сосема логични. На Сити во моментов не им е потребен Санчез. Први се на табелата, а со Серхио Агуеро и Габриел Хесус го имаат можеби и најдобриот напад во Англија.