Актуелниот шампион на Италија денес го игра натпреварот на гостински терен против Фросиноне во рамките од петото коло во италијанската Серија А.
„Старата дама“ во овој натпревар сака да дојде до нова победа, а сигурно дека центарот на вниманието ќе биде Роналдо. Португалецот во минатото коло стигна до своите први погодоци за Јувентус, сега се очекува да продолжи да погодува.
Со доѓањето на Роналдо апетите на навивачите и очекувањата од Јувентус се многу поголеми, најмногу тоа се однесува на Лигата на шампионите. Меѓутоа тренерот на овој клуб Алегри одлучи да ја „спушти топката на земја“ кога во прашање е улогата на Роналдо во тимот.
„Не можам да кажам дека Јувентус зависи од Кристиано Роналдо. Тој заедно со Меси е најдобриот играч во светот и многу значи за тимот. Но не можете да кажете дека зависиме од него бидејќи ние бевме тим со свој идентитет и пред Роналдо. Ниту еден играч не е поголем од Јувентус и тоа секогаш ќе биде така“, изјави Алегри.
Натпреварот помеѓу Фросиноне и Јувентус се игра вечерва со почеток од 20:30 часот.
Учество во игри на среќа е дозволено за лица со 18+ години. Играј одговорно!