Алегри спремен да седне на кормилото на „Олд Трафор“

Италијанскиот стратег Масимилиано Алегри е спремен да седне на кормилото на Манчестер Јунајтед, но има еден услов.

Италијанецот веќе извесен период се спомнува за потенцијален менаџер на „црвените ѓаволи“, но раководството на клубот од „Олд Трафорд“ се уште му верува на Оле Гунар Солскјер.

Сепак, ако продолжи со негативните резултати, Солскјер наскоро би можел да добие отказ, а Алегри е главен кандидат за негов наследник.

Меѓутоа Алегри постави главен услов. Работата ја сака веднаш, односно во следните неколку седмици или во спротивно договор нема да има.

Покрај Манчестер Јунајтед за Алегри интерес покажува и Тотенхем, кој во Италијанецот гледа идеален наследник на Покетино.