Ако му веруваме на Раиола: Погба останува, а Мурињо си оди!

Oсвен изјавата која крена „бура“ во Италија за потенцијалното враќање на Златан Ибрахимовиќ во Милан, Мино Раиола за „Раи Спорт“ зборуваше и за Пол Погба.

Многу се зборува во последно време за клиентите на Раиола, посебно за Пол Погба и Златан Ибрахимовиќ.

Французинот игра лошо во дресот на Јунајтед и не е во добри односи со Мурињо, па во англиските медиуми постојано се поврзува со заминување од „Олд Трафорд“.

Сепак, според зборовите на Раиола, Погба нема да замине.

„За оваа ситуација најдобро е да не зборуваме. Ситуацијата не е едноставно и Манчестер Јунајтед секогаш имаше и се уште има јасен став – Пол не е на продажба“, краток беше Раиола.

Значи, ако му веруваме на Раиола, Јунајтед нема да се откаже од Погба, а тоа дополнитело ги подгрева гласините дека Жозе Мурињо ги минува последните денови на „Олд Трафорд“.