Ако во Зоолошка може 17.000 посетители за ЕДЕН викенд зошто стадионите се затворени?

Во Македонија се уште на сила е забраната за публика на спортските настани.

На оваа ситуација сега реагираше една од најпознатите фан страни за Вардар „Екипа Пиво“, нив ги подржа и официјалната страна на „Комити“.

Имено тие прашуваат зошто стадионите се затворени ако во Золошката Градина во Скопје во последниот викенд имало околу 17.000 посетители.

Реакцијата ви ја пренесуваме во целост:

“Според информациите на некои медиуми, изминатиов викенд Зоолошката градина во Скопје ја посетиле околу 17.000 посетители. Толку посетители нема на годишно ниво низ стадионите во Македонија, а посебно не на Градски стадион Скопје. Тука се поставува прашањето, дали ова е чиста дискриминација врз навивачите во Македонија!? Очигледно дека е така!

Дозволени се протести, кадешто во никој случај не се запазуваат мерките за заштита; дозволени се преполни кафани во затворен простор кадешто исто така не се запазуваат мерките; дозволено е илјадници посетители дневно во зоолошки градини и паркови; дозволно е групирање за оддавање почит кон некоја личност…

Сепак НЕ Е ДОЗВОЛЕНО следење на еден фудбалски натпревар на Градски стадион, на отворен простор, којшто има капацитет од 35,000 и е повеќе од доволен за Вардаровите навивачи да почитуваат мерки. Доволно е 10% од капацитетот на стадионот да биде отворен за Вардаровите навивачи!

СТОП ЗА ДИСКРИМИНАЦИЈАТА ВРЗ НАВИВАЧИТЕ!
ОТВОРЕТЕ ГИ СТАДИОНИТЕ!“.