Адеми го пропушта дуелот со Севиља

Капитенот на Динамо Загреб, Аријан Адеми, ќе го пропушти реванш натпреварот против Севиља во Лига Европа.

Македонскиот репрезентативец викендов го повредил мускулот, па до крајот на неделата Адеми ќе биде под лекарски надзор, а дури потоа ќе биде донесена одлуката кога ќе може да се врати во тимот.

Македонскиот фудбалер се повреди во мечот против Локомотива Загреб, иако во игра влезе во вториот дел, но мораше да биде заменет по 12 минути поминати на теренот.

Се надеваме дека Адеми ќе биде подготвен и за историскиот меч на Македонија во баражот против Италија на 24 март.